Azərbaycanın sərnişin təyyarələri parkı yenilənəcək

23:02 30-12-2016 | icon 15
Azərbaycanın sərnişin təyyarələri parkı yenilənəcək

2020-ci ilədək olan dövrdə danışıqlar aparılmaqla, “Airbus” və “Embraer” tipli köhnəlmiş təyyarələrin yenilənməsi nəzərdən keçiriləcək.

Oxu.Az xəbər verir ki, APA-nın məlumatına görə, bu barədə “Logistika və ticarətin inkişafına dair Strateji Yol Xəritəsi”ndə deyilir.

Qeyd olunur ki, aidiyyəti qurumlar beynəlxalq və yerli təyinatlı hava limanlarının infrastrukturunun təkmilləşdirilməsi üçün qısa və uzunmüddətli planlar hazırlayacaq, o cümlədən Heydər Əliyev Beynəlxalq Hava Limanında infrastruktur imkanlarının genişləndirilməsini həyata keçirəcək.

Görüləcək tədbirlərdə regionların strateji inkişaf tələbləri də nəzərə alınacaq.

E.Ə.